Білім және ғылым министрі Асхат Аймағамбетовтың айтуынша, мектепке дейінгі ұйымдарда ағылшын тілін оқыту тоқтатылуы мүмкін, деп хабарлайды Neonomad.kz ақпарат агенттігі.
Министрдің айтуынша, мектепке дейінгі ұйымдарда ағылшын тілі оқытылмауы тиіс.
«Ағылшын тілі пән ретінде мектептерде болады. Бұл тек сағат саны аз мектепке дейінгі ұйымдарды қамтиды. Бізде бірінші сыныпта ағылшын тілі жоқ, мектепке дейінгі ұйымдарда да осындай қажеттілік жоқ», – деді министр мәжіліс отырысында.
Ең алдымен, туған тілді дұрыстап оқып, қатесіз жазуды үйрену керектігін министр өз сөзінде айтып кеткен болатын.
«Егер бірінші сыныпта ағылшын тілі болмаса, онда балабақшада неге ол тілді үйрену керек. Егер балабалабақшада тілді оқып, бірінші және екінші сыныптарда жалғастырмаған болса, тиімділігі болмайды. Сондықтан мемлекет басшысының тапсырмасы бойынша ең алдымен ана тілінде жазуды және сөйлеуді жақсы үйренуі керек», – деді ол.
БҒМ басшысы сараптама тобы жұмыс істеп жатқанын және мемлекет жалпыға міндетті білім беру стандартары мен оқу жоспарларын қайта қаралатынын атап өтті.
«Соңғы шешім мен БҒМ бұйрығы бекітілгеннен кейін біз бұл туралы айта аламыз», – деп атап өтті Аймағамбетов.
