Басшылықтан құтылғысы келген балабақша қызметкерлері бүлдіршіндерге уланған тамақ бермекші болған, деп хабарлайды Neonomad.kz ақпараттық агенттігі Repost.uz сайтына сілтеме жасап.
Оқиға Өзбекстанда болған. Қызметші әйелдерге қатысты тергеу амалдары басталды. Олар мектепке дейінгі мекеме меңгерушісін лауазымынан кетіруді ойлаған.
«21 желтоқсанда әлеуметтік желілерде белгісіз екі әйелдің телефонмен сөйлесуінің аудиожазбасы таратылды, оның барысында аталған ұйымның балаларын улану арқылы балабақша меңгерушісін қызметінен босату жоспары талқыланды», – делінген хабарламада.
Өзбекстанның БАҚ мәліметінше, елде мектепке дейінгі білім беру мекемелерінде балалардың улану оқиғалары жиілеген. Қазан айында Бекабадта болған оқиғада 19 бала уланып қайтыс болған. Осыдан соң балабақша меңгерушісі, аспазы және медбикесі жұмыстан шығарылған.
Маусым айында Өзбекстанның Сырдария облысының балабақшасында балалар ауыз су ішкеннен кейін жаппай уланған.
