Ресейдің ОМСК қаласында 43 жастағы әйел жарақат ауырлығы салдарынан ауруханада көз жұмды. Полицейлер аталған фактіге сәйкес, қылмыстық іс қозғады, деп хабарлайды Neonomad.kz ақпарат агенттігі.
Тергеу РФ ҚК 105-бабы («Адам өлтіру») бойынша жүргізіліп жатыр. Тексеріс барысында бұл қылмысқа 15 жастағы қыз бен оның 18 жастағы сүйіктісінің қатысы бары анықталды. Олар күдікті ретінде қамауға алынды.
2019 жылдың 31 желтоқсанына қараған түні әйел мен қос ғашық арасында жанжал болған. Әйел адам қыз бен жігітінің төсектес болғанын көргеннен кейін өзара ұрысқан. Осы кезде жас жігіт 43 жастағы әйелді бірнеше рет пышақпен жарақаттайды. Ал қыз жігітіне көмектесу үшін басы мен денесінен балғамен ұрады.
Жәбірленуші құрбысына қоңырау шалып, жедел жәрдем шақырып үлгергенімен, ол ауруханада көз жұмды.
