Шымкенттің Застенная ауданында 3 жасар қыздың өлі денесі табылды, деп хабарлайды Neonomad.kz ақпарат агенттігі Otyrar.kz басылымына сілтеме жасап.
22 шілде күні Шымкент қаласында жастарға арналған тұрғын үй кешендерінің жанынан 3 жасар қыздың мәйіті табылды. Көршілердің айтуынша, бүлдіршін анасымен бірге оқиға болған жерден 500 метр қашықтықта тұрады. Жергілікті тұрғын Халипа Қадированың сөзінше, ол қыздың анасынан оның неге қараусыз жүргенін сұраған. Келіншек өз кезегінде күні бойы жұмыста жүргенін айтып ақталған.
Көз жұмған қыздың туысқаны Айжарқын Айтбаева үйге үш шамасында келіп, кейін бүлдіршіннің жоқ болғанын байқағанын айтады. Қызды екі сағат бойы іздеп, полиция бөлімшесінің көмегіне жүгінген. Артынша полиция қызметкері екеуі қызды гараждардың бірінің артынан тауып алған.
Туысқанының айтуынша, 3 жасар қыздың беті көгеріп, бұтында іш киімі болмаған. Әзірге оның қандай жағдайда көз жұмғаны анықталып жатыр. Оны біреулер өлтірді деген күдік бар. Арнайы сараптамалар тағайындалып, бойы 180 сантиметр болатын, 1980 жылғы азаматқа іздеу салынды.
