Сырға салу рәсімі болғаннан кейін, уәделесіп қойған жігіті қызынан құдалықтың ақшасын қайтаруын сұрады, деп хабарлайды Neonomad.kz ақпарат агенттігі Nur.kz сайтына сілтеме жасап.

Қыздың айтуынша, сәуір айында әдеттегідей сырға салу рәсімі болып, тұрмысқа шықпақшы болған. Бірақ бойжеткеннің ойындағасы болмай шығады.

«Жазда соның үйіне бірге тұрамын деп көшіп барғанымда, ол маған ресми түрде үйленбейтінін айтты. Мен бірден өзімнің туған қалама қайта оралдым. Сол күннен бастап ол мені жайыма қалдыратын емес, бар айтатыны: Кезінде маған берген азын-аулақ ақшасын, құдалықта берген ақшасын қайтар дейді. Оның айтқанын істемесем, құзырлы органдарға хабарласып, алдырамын дейді. Не істейтінімді білмеймін. Көмектесіңіздерші, өтініш… Рахмет», – деп жазған ол.

Желі қолданушылары бойжеткенге жаппай қолдау көрсеткен. Олар:

«Ата-анасына хабарласыңыз, үлкендер өздері шешсін», «Ер адамдар неге сонша ұсақталып барады?», «Сіз де шағымданыңыз, оны қарызға алған жоқсыз, өздері берді, сондықтан сабыр сақтаңыз», «Үйленбегендеріңіз жақсы болған, мұндай ер адам сізге лайық емес» деген тілектерін жаудырып жатыр.