Майра есімді қазақстандық екі жыл бұрын сүйікті адамына тұрмысқа шыққан. Жас әйел үшін бұл бірінші неке, ал жұбайы үшін – екінші. Ер адамның екі ұлы бар. Ұлдар әкесіне жиі келіп, онымен тығыз қарым-қатынаста. Алайда бұл әйелге ұнамайды, деп хабарлайды NUR.KZ порталы.
Майра әрдайым өзіне лайықты адамды жолықтырып, оған тұрмысқа шығуды армандаған. Ол көп балалы ана болып, балаларына қамқорлық жасағысы келеді. Алайда ұзақ уақыт бойы сенімді азаматты кездестірмейді.
32 жасында қазіргі күйеуі Асқарды жолықтырады. Ер адам барынша адал болып, көп көңіл бөледі. Араға 6 ай салып олар отбасын құруға шешім қабылдайды.
«Асқар бұрын үйленген, алғашқы некесінде балалары өсіп келеді. Ол маған өзінің өткені туралы бірден айтты. Мен оның ұлдарымен тығыз байланыста екенін білдім. Алайда мен үйлену тойынан кейін ол балаларды көруді доғарады деп ойладым, бірақ бұл болмады. Қазір біз күйеуіміздің пәтерінде тұрамыз және оның балалары бізге жиі келеді», – дейді Майра.
Әйелдің айтуынша, күйеуінің балалары өте ерке. Олар пәтер ішінде жүгіріп, заттарды шашады. Олар кеткен соң, Майраның шашылған үйді жинап шығуына тура келеді. Олар үшін тәттілер пісіруге мәжбүр екенін және өгей ұлдарының үйге келе беруінен шаршағанын айтады.
«Күйеуім екеуіміз балалы бола алмай жүрміз. Осыған қарамастан, пәтерде балалардың ойыншықтары көп. Асқар әрқашан оларға жаңа заттар сатып алады. Оның балалары демалыс күндері бізде. Осыған байланысты мен сенбі мен жексенбіні жек көремін, жұмыс аптасынан кейін демалуға мүмкіндік жоқ. Мен Асқарға ұлдарын бізге әкелмеуін айтуға тырыстым. Осыдан кейін ол маған қатты ренжіді, енді оған төзуге тура келеді», – дейді жас әйел.
Қазір Майра емдеу курсынан өтіп жатыр, оның әйелдер денсаулығына байланысты проблемалары бар. Қазақстандық бала тууды армандайды, ол отбасының толық болғанын қалайды. Сонымен қатар, әйел күйеуін бұрынғы жұбайынан қызғанады. Ол күйеуі бұрынғы отбасына қайтып оралама деп қорқады.
«Соңғы кезде күйеуіммен жиі ұрысатын болдық. Бұған менің қызғанышым себеп. Ол үнемі балаларымен, тиісінше, бұрынғы әйелімен кездеседі. Мен әрекеттеріне қандай реакция танытуым керегін білмеймін. Кейде өзімді оның отбасындағы артық адам сезінемін. Бұрынғы әйелі де оған жиі қоңырау шалып, көмек сұрайды.
Түнде қоңырау шалып, оны сантехниканы жөндеуге шақырады. Асқар бәрін асыра сілтеп отырмын дейді. Ол менің балаларымен ортақ тіл тапқанымды қалайды. Егер мен оларды жек көрсем, олармен қалай достасуға болады? Менің ойымша, олар мені әкесімен ұрысу үшін қатты ашуландырады. Мен күйеуімді жақсы көремін және оны жоғалтып алғым келмейді», – дейді ол.
Майра банкте жұмыс істейді және жақында оған басқа қалада филиал басқару ұсынылды. Қазақстандық әйел жұбайымен бірге қоныс аударғысы келеді, бірақ ері келіспейді. Сонымен қатар, ол ұлдарының жанында болғысы келеді. Әйел бұл отбасыны сақтап қалуға көмектеседі деп үміттеніп, тез жүкті болғысы келеді.
