ҚазМұнайГазға қарасты компанияның басшысы үш миллион теңге пара алып жатқан жерінде қолға түсті, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.

Нақтырақ айтқанда, «KMG EP-Catering» ЖШС бас директоры пара алды деген күдікке ілінді.

«Маңғыстау облыстық сыбайлас жемқорлыққа қарсы күрес қызметі «KMG EP-Catering» («ҚазМұнайГаз» ҰҚ» АҚ жүзпайыздық еншілес ұйымы, Маңғыстау облысы аумағында орналасқан «ҚазМұнайГаз» ҰҚ» АҚ еншілес компанияларын қамтамасыз етуші ұйым) ЖШС бас директорына және осы аталған ЖШС мемлекеттік сатып алу бөлімінің басшысына қатысты коррупциялық қылмыс істеді деген күдікпен сотқа дейінгі тергеу шараларын бастады», – делінген ресми хабарламада.

Күдікке ілінгендер өз кінәларын мойнына алды.