Оңтүстік Кореяда бала қағып кеткен қазақстандық жігіттің анасы мәлімдеме жасады, деп хабарлайды Neonomad.kz ақпараттық агенттігі Tengrinews.kz сайтына сілтеме жасап. 

Жеті жастағы баланы қағып кеткен қазақстандықтың анасы үндеу жасап, ол бейне Кореядағы жергілікті JTBC NEWS телеарнасында жарияланды.

«Мен, Қазақстан азаматшасы, Корея Республикасына келу себебім – ұлымның және өзімнің атынан кешірім сұраймын. Корея халқынан болған жол-көлік оқиғасы үшін кешірім сұраймын. Ертерек келе алмадым. Ұлым заң алдында жауап береді. Барлығыңыздан баланың денсаулығы үшін дұға етулеріңізді сұраймын. Зардап шеккен баладан және оның ата-анасынан кешірім сұраймын. Мен ана ретінде сіздерді түсініп отырмын. Балаңыз үшін дүға етіп жатырмыз. Алдағы уақытта жасалатын отаға және ем алуға көмектесуге дайынбыз. Қажет болса ұлымыз екеуіміз органымызды береміз», – деді әйел үндеуінде.

Еске сала кетсек, қазан айының басында Оңтүстүстік Кореяда машинамен баланы қағып кеткен 20 жастағы Павлодар жігіті ұсталғанын жазған болатынбыз.

Кейін күдікті оқиға орнына, яғни Оңтүстік Кореяға өз еркімен оралып, кешірім сұраған болатын.

Белгілі болғандай, қазақстандыққа бірнеше айып тағылғанын жаздық. Ол бес жылға дейін бас бостандығынан айырылуы мүмкін.

Жуырда жол апатына қатысты тергеу амалдары аяқталғаны белгілі болды.