Елордада 21 жастағы мектеп оқытушысы өзінің зорланғанын айтты. Оның сөзінше, қаскөйлер зорлау сәтін видеоға түсірген және оны аямастай ұрып-соғып, тіпті бір аяғын сындырған, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Kok.team сайтында шыққан материалда, жәбірленуші жанайқайымен бөлісті. Аян есімді 21 жастағы жас маман Нұр-Сұлтанда жұмыс істейді. Өткен шілденің 27-сі күні әлеуметтік желіде бір жігітпен танысады. Фейк аккаунт арқылы хат алмасып, соңында бір-бірінің телефон нөмірін алады. Сөйтіп екеуі кездескенде, жігіт Аянға «көлікке отырып, қырыдып келейік» деп ұсыныс тастайды.
Ұсынысына келіскен Аян көлікке отырған бетте әлгі жігіт оған жабысып, көңіл білдірген. Ол бас тарса да оны Махаббат тұрғын үй кешеніндегі бір пәтерге мәжбүрлеп апарады.
Пәтерге жеткен соң ер адам жолдасын шақырады. Екеуі қосылып Аянды аямай сабайды.
«Құлақтан ұрды, мен ұшып басыммен шкафқа соғылып, жерге отырып қалдым. Ол мені тұрғызып алып, қабырғаға сүйеп қойып, бетімнен ұрды. Мұрнымнан қан кетті. Сол кезде екіншісі кірісті. Ол да құлағымнан екі мәрте оңдырмай салып жіберді. Құлағымның бәрі сынып, мұрным бет болды.Тағы да сұлап түстім. Сол кезде ер адам аяғымды басып, үстіне секіріп, сындырды. Одан соң қайта тұрғызып алып, қолдарына түскен нәрсемен ұра бастады. Крөшкемен, табамен төбемнен ұрғанда есімнен танып қалдым. Бір уақытта ауруды да сезінбей қалдым. Ал олар болса тынбай тепкілеп жатыр мені.Қазір менің басым бүтіндей тігілген. Бір көзім ісіп кеткен, өйткені көзден де тепті, – дейді Аян.
Мұғалімді таяқ астына алған екі ер адамның мақсаты – гейлердің нөмірін, олар қай клубты жағалайтынын сұрап, жауап алған.
«Иығымды үтікпен де күйдірді, оған көнбеген соң үтікпен басымнан бір қойды. Мен тағы талып қалдым», – дейді ол.
Сол кезде екі жігіт Аянның телефоны арқылы оның әкесіне хабарлама жіберген. Басында 1 миллион, одан соң 3 миллион теңге сұраған.
«Мені алып келген жігіт, осының бәрінен соң мені зорлай бастады. Әйелдер зорландым дегенде түсінбеуші едім. Сөйтсем бұл барып тұрған азаптың азабы екен, өзіңді ең лас, адам сезінбей қаласың. Бұдан кейін менің жыныстық өміріме де нүкте қойылған секілді. Ол туралы ойлағым да келмейді. Бәрінен бұрын осы масқара жағдайдың бәрі видеоға түсті. Олар оны Интернетке саламын деп қорқытты. 3 миллион теңге талап етті. Ондай ақша жоқ дегенде, олар менің денемді темекінің шоғымен күйдіре бастады. Тіпті, біреуге телефон шалып: «Таңертең кел, бір адамды қазып, көму керек, қандай оңтайлы жер бар» деп сұрап жатты. Мен душқа барғым келетінін айттым. «Ақсаңдамай барсаң жібереміз», – деді олар. Аяғымды сындырып тастаған ғой, қалай ақсаңдамайсың. Сол үшін тағы тепкіледі», – дейді Аян.
Адам соққылаудан шаршаған қаскөйлер ұйқтап қалғанда, Аян құтылып шығады. Сөйтіп үйден сытылып шыққан ол көршінің үйінен көмек сұрады. Тез арада оқиға орнына жедел жәрдем мен тәртіп сақшылары келеді. Қылмыскерлер ұсталға.
Жігіттің айтуынша, өзін азаптаған екеудің тергеуі 28 қыркүйекте аяқталады. Ол әлгі екеуі жазадан сытылып шықса не болады деп қорқады.
