Қазақстанда алдағы үш күнде ауа температурасы 33° аязға дейін төмендейді, деп хабарлайды Neonomad.kz ақпараттық агенттігі Қазгидромет сайтына сілтеме жасап.
Қазгидрометтің ақпаратынша, Карск теңізінің арктикалық ауа массаларында қалыптасқан антициклон оңтүстік-батысқа қарай ығысады. Сөйтіп 21 қарашада Ресейдің еуропалық аумағындағы орталық аудандарға жетеді.
«Қазақстанға арктикалық теңізден Батыс Сібір арқылы суық ауа массасы келіп, соның әсерінен елдің басым бөлігінде күн айтарлықтай суытады. Солтүстік, орталық және шығыс облыстарда ауа температурасы -28…-33°С дейін төмендейді. Сондай-ақ, кей жерлерде қар жауып, бұрқасындатады, қатты жел соғады», – делінген хабарламада.
Бұдан бөлек, батыс, оңтүстік және оңтүстік-шығыс облыстардың кейбір аймағында қар, көктайғақ және тұман болады деп болжанып отыр. Бұл өңірлерде де күн суытады, түнде -7…-15°С, қиыр оңтүстікте -3…-8°С-қа дейін.
Нұр-Сұлтан
- 19 қарашада күн бұлтты, аздаған қар жауады. Түнде -4°С, күндіз -14°С.
- 20 қарашада күн бұлтты, жауын-шашынсыз. Түнде -26°С, күндіз -23°С.
- 21қарашада күн ашық, түнде -28°С, күндіз -21°С аяз.
Алматы
- 19 қарашада күн ашық, түнде +4°С, күндіз +11°С жылы.
- 20 қарашада күн бұлтты, түнде +6°С, күндіз +7°С.
- 21 қарашада күн бұлтты, қар жауады. Түнде +1°С, күндіз -3°С суық.
Шымкент
- 19 қарашада күн ашық, түнде +2°С, +12°С.
- 20 қарашада күн бұлтты, аздаған жаңбыр жауады. Түнде +4°С, күндіз +7°С.
- 21 қарашада күн бұлтты, аздаған жаңбыр жауады. Түнде +2°С, күндіз +3°С.
