Белгілі айтыскер Жандарбек Бұлғақовтың Қазақстан туралы айтқан сөзінен жұрт шошып кетті, деп хабарлайды Neonomad.kz ақпарат агенттігі.
Айтыста талайды соңында қалдырған Жандарбек Бұлғақов желіге жариялаған видеосымен жұртты шошытып алды. Ол «Қазақстанды елдің бәрі жеп жатыр. Мен де, балаларым да жейді. Реніш болмасын» деген болатын.
«Бүгінде барлық адам білетін бір шындық бар. Қазақстанды бәрі жеп жатыр. Басқа ұлттар да, өзіміздің адамдар да жеп жатыр. Ешкімнің маған өкпелейтіндей жөні жоқ шығар деп ойлаймын. Мен де Қазақстанды жеймін. Балаларыма да мүмкіндігінше жегізуге тырысамын. Кім жемей жатыр?! Мүмкіндігі бардың бәрі жеп жатыр. Сол себепті ешқандай реніш болмасын, ағайындар, жеуді бастаймыз», – деді ол.
Посмотреть эту публикацию в Instagram
Артынша ол бұл сөзінің «Қазақстан» шоколады туралы айтылып жатқанын жария етіп, жұртты бір күлдіріп алды. Желі қолданушылары өз кезегінде мұны саяси әзіл деп бағалап, оның тапқырлығына риза болысты.
