Қазақстандықтарға фискалдық чектерді төлемегені үшін хабарлама келе бастады, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
12 тамыз бен 30 қараша аралығында жүргізіліп жатқан пилоттық жоба аясында Нұр-Сұлтанда фискалдық чектерді бермеу фактілерін анықтау үшін елорданың 52 тұрғынына 1 000 теңге сыйақы төленді. Олардың ұялы телефонына 1 000 теңге баланс салынды.
30 қыркүйектен бастап жоба бүкіл ел бойынша іске қосылды. Қазақстандықтар чек бермеу фактілері туралы ақпарат үшін сыйақы алып жүр.
«Тартылатын адамның түсініктемелері, жәбірленушінің, куәлардың айғақтары, сарапшының, маманның қорытындылары мен айғақтары, заттай дәлелдемелер, Әкімшілік құқық бұзушылық туралы хаттамалар мен ӘҚБтК көзделген іс жүргізу әрекеттерінің хаттамалары жауапкершілікке тарту үшін дәлел болып табылады. Сыйақы сатушының чекті беруден бас тарту фактісі бейнеде түсіріліп, дүкеннің мекенжайы мен атауы, сауда үйінің, базардың атауы (сауда үйіндегі бутик нөмірі, базардағы орын нөмірі) және фискалдық чек бермеген тұлғаны сәйкестендіруге мүмкіндік беретін өзге де мәліметтер көрсетілген жағдайда ғана төленеді», – делінген ресми хабарламада.
Сондай-ақ, бейнематериалдарды Wipon тегін мобильді қосымшасы арқылы жіберуге болады. App Store және Play Market бар.
«Шағым жіберілген кезде өзіңіздің тегін, атын, әкесінің атын (бар болса), ЖСН мен байланыс телефоныңызды қосымша көрсетіңіз. Бұл деректемелер фискалдық чек бермеген тұлғаны бұзушылық фактісі расталған және жауапкершілікке тартылған жағдайда сыйақы төлеу үшін қажет. Фискалдық чектерді сайтта тексеруге болады consumer.oofd.kz», – деді комитеттегілер.
