Қазақстандықтар енді Отанға деген сүйіспеншілігін еркін білдіре алады. Елде мемлекеттік туды ғимараттар мен балконға ілуге рұқсат беріліп, қаулыға премьер-министр Асқар Мамин қол қойды, деп хабарлайды Neonomad.kz ақпарат агенттігі.
27 қарашада Үкімет 2007 жылдың 2 қазанында шығарған № 873 қаулысына өзгерістер енгізді.
4-тармақтың «Қазақстан Республикасының мемлекеттік туын, мемлекеттік елтаңбасын және олардың бейнелерін, сондай-ақ Қазақстан Республикасы мемлекеттік гимнінің мәтінін пайдалану (орнату, орналастыру) қағидалары» туралы бірінші бөлігі енді мынадай:
«Мемлекеттік туды жеке және заңды тұлғалар ғимараттарда (тұрғын үйлерде және тұрғын емес үй-жайларда), оның ішінде балкондарда және салтанатты іс-шаралар өткізілетін орындарда патриоттық сезімін, қазақстандық бірегейлігін білдіру, елдің, оның азаматтарының жетістіктерін қолдау мақсатында пайдалана (орнатуы, орналастыруы) алады», — делінген қаулыда.
