Сарапшылар қазақстандықтарға iPhone 12 Pro сатып алу үшін қанша күн жұмыс істеу керегін есептеді, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
Мамандар жады 128 GB болатын iPhone 12 Pro бағасын бірнеше ондаған елдің орташа жалақысымен салыстырды және Apple-дің жаңа флагманына ақша табу үшін әр мемлекеттің тұрғындары қанша күн жұмыс істеуі керегін есептеген.
«Қазақстанда жады 128 GB болатын iPhone 12 Pro қазір 619 990 теңге. Бірақ енді жаңа смартфондарда қуаттайтын құрылғы мен құлаққап болмайды. Статистика комитетінің мәліметінше, бүгінде Қазақстанда орташа жалақы салықты алып тастағанда – 174 565,2 теңге. Сонда қазақстандық орташа есеппен Phone 12 Pro алу үшін 74,6 күн жұмыс істеуі керек және ол ақшаға тамақтанбауы керек», – дейді сарапшылар.
