Қазақстандық боксшы Садриддин Ахмедов кәсіби карьерасындағы он бірінші жекпе-жегін өткізіп, тағы да қарсыласын нокаутқа жіберді, деп хабарлайды Neonomad.kz ақпарат агенттігі.
Қазақстандық Монреалда Давид Лемье – Максим Бурсак бокс кешінің андеркардында жұдырықтасты. Ахмедовтың қарсыласы Хосе Вильялобос болды.
Бастапқыда жекпе-жек он раундқа жоспарланғанымен, жетінші раундта Садриддин жойқын нокаутпен жеңді. Осылайша қазақстандық өзінің кәсіби карьерасындағы он бірінші жеңісіне қол жеткізді. Ал аргентиналық кәсіби карьерасында алты рет жеңілді.
