Эйр Астананың қара тізіміне кірген блогер Оғыз Доғанды қазақстандық лоукостер Fly Arystan ұшағына мінгізбеді, деп хабарлайды Neonomad.kz ақпараттық агенттігі журналист Ербол Азанбектің жазбасына сілтеме жасап.

Журналист әрі блогер ретінде танылған Ербол Азанбектің пікірінше, жеке компанияның қара тізім жасауға құқығы болуы екіталай.

– Оғыз Доғанды Fly Arystan ұшаққа отырғызбай жатыр. Себебі – ол Эйр Астананың «қара тізімінде» екен. Ол бойынша сот өтіп, «Эйр Астана» жеңілмеді ме? «Қара тізім» жасап, соның негізінде адамды ұшаққа жібермеуі қаншалықты заңды? Билетті сатқан кезде неге ескертпейді немесе бас тартпайды? Онлайн алған күннің өзінде клиент туралы мәлімет көрініп тұрмайды? Енді ұшу алдында «қара тізімдесің» деп адамды әуреге салу қаншалықты заңға сияды, – деген көп сауал жазды ол.