Еліміздің бірнеше қаласында жасырын казино анықталды, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
Ведомство қызметкерлері трансұлттық қылмыстық топтың мүшелерін ұстаған болатын. Олар Алматы, Қызылорда, Тараз, Шымкент және Қарағанды қалаларында жасырын казино желісін ұйымдастырды.
«Қылмыстық топтың қатысушылары өздерінің заңсыз іс-әрекетінде нақты бөлінген рөлдермен жұмыс істеді: ойын мекемелерінің аймақтардағы жұмысына жауапты басшы, бухгалтер, қаржылық бақылаушы», – деп хабарлады ведомства.
Барлығы 7,3 миллион теңге және 123 мың доллар, бес покер үстелі, 11 ойын автоматы, 37 электрондық рулетка, 27 компьютер және қаржылық есеп алынды. Қылмыстық кодекстің 307-бабы «Заңсыз ойын бизнесін ұйымдастыру» бойынша сотқа дейінгі тергеу жүргізілуде»
Заңсыз ойын бизнесін ұйымдастырушыларға қатысты барлығы 278 қылмыстық іс, сондай-ақ ұйымдасқан қылмыстық топты құрғаны және басқарғаны үшін бес қылмыстық іс қозғалды.
Сондай-ақ, 700-ден астам ойын мекемесі қызметінің жолын кесу туралы хабарланады.
«Заңсыз айналымнан 10 мыңға жуық ойын автоматтары, терминалдар, покер үстелдері, рулетка және тағы басқа заттар алынды. Алынған қолма-қол қаражаттың жалпы сомасы 134 миллион теңгені құрады», – деп хабарлады ведомства.
