26 наурыз түстегі мәлімет бойынша, коронавирус жұқтырғандар Қазақстанда 97 адамға жетті. Бүгін түске қарай Нұр-Сұлтан қаласында 9 адамнан коронавирус табылғаны белгілі болды, деп хабарлайды Neonomad.kz ақпарат агенттігі.
Алматыда – 34 адам, Нұр-Сұлтанда – 55 адам, Қарағандыда – екі адам, Шымкентте – екі адам, Алматы облысында – бір адам, Ақтөбе облысында – бір адам, Жамбыл облысында – бір адам, Солтүстік Қазақстан облысында бір адам емделіп жатыр.
25 наурызда екі адам дерттен айыққаны хабарланды. Қазақстан 16 наурыздан бастап вирусқа байланысты төтенше жағдай режиміне көшкен.
Әлемде Covid-19 коронавирусы 470 мыңнан астам адамға жұқты. Қаза болғандар саны 21 мыңнан асып кетті. Вирус 190-нен астам елге тарады. 114 мыңнан астам адам дерттен айыққан.
