Елдің денсаулық сақтау министрі Алексей Цой кәсіпорын қызметкерлеріне күнде таңертең дене жаттығуын жасауды міндеттеу туралы бұйрық шығарды, деп хабарлайды Neonomad.kz ақпарат агенттігі.
Құжатқа сәйкес, күнделікті таңертең дене жаттығуын 10-15 минөт жасау ұсынылған. Бұл жұмысқа сергек кірісуге көмектеседі делінген.
«Дене жаттығуының мақсаты мидың шаршағанын басу, қуатты қалпына келтіру, жұмыс істеу қабілетін арттыру және денсаулықты нығайту», – делінген бұйрықта.
Дене жаттығуы түрлерін 3-4 апта сайын ауыстырып тұру қажет делінген. Бұдан бөлек жұмыс бөлмелерінің ауасын үнемі тазартып тұру да ұсынылған. Қараша айының басында Өзбекстан президенті Шавкат Мирзияев та «Салауатты өмір салтын енгізу және жаппай спортпен шұғылдануды дамыту шараларын қолға алу жөніндегі» жарлыққа қол қойған.
Жарлыққа сәйкес, жаяу жүру, шағын футбол, велоспорт, бадминтон, стритбол және табиғатқа шығып серуендеу секілді танымал спорт түрлерін дамыту ұсынылған. Бұл шараны жүзеге асыру үшін бюджеттен 104 млрд сум (10 млн доллардан астам) бөлінген. Бұдан бөлек ел билігі көп жаяу жүретін азаматтарға сыйақы төлеуге уәде беріп отыр.
