Қазақстанның бірнеше өңірінде ауа температурасы жоғарылайды, деп хабарлайды Neonomad.kz ақпарат агенттігі «Қазгидромет» өкілдеріне сілтеме жасап.

Синоптиктердің мәліметінше, күндіз 13 шілдеде Қостанай облысында оңтүстікте 37 градусқа дейін қатты ыстық болады деп болжанады. 13 шілдеде Қызылорда облысының кей жерлерінде шаңды дауыл сақталады. Солтүстік-шығыстан жел соғады, күші түнде кей жерлерде 15-20 м/с, күндіз 15-20, кей жерлерде 25 м/с күтіледі. Күндіз 43 градус қатты ыстық күтіледі

Түнде 13 шілдеде Ақмола облысының оңтүстік-шығысында найзағай күтіледі. Күндіз 13-15 шілдеде Ақмола облысының кей жерлерінде қатты ыстық 35 градус және өте жоғары өрт қаупі күтіледі. Күндіз 13 шілдеде Солтүстік Қазақстан облысында оңтүстік-батыста қатты ыстық 35 градус күтіледі.

Күндіз 13-15 шілдеде Қарағанды облысының кей жерлерінде 39 градус қатты ыстық күтіледі. Жезқазғанда күндіз 13 шілдеде 37-39 градус қатты ыстық күтіледі.