Қазақстан мектептерінде жыныстық тәрбие курстары енгізіліп жатыр, деп хабарлайды Neonomad.kz БҰҰ-ның Халықты орналастыру қорына сілтеме жасап.
Белгілі болғандай, БҰҰ Халықты орналастыру қоры (ЮНФПА) Білім министрлігімен бірлесіп, мектеп бағдарламасына адамтану бағытында жыныстық тәрбие курсын енгізіп жатыр.
«Биыл біз бұл бағытта екі оқу орнымен әріптестікті бастадық. Атап айтқанда, бұл –орта мектептерге енгізілетін барлық курсты дайындап, ықшамдайтын Ыбырай Алтынсарин атындағы Ұлттық білім беру академиясы. Сонымен қатар Назарбаев зияткерлік мектебі. Бұл арада қандай да бір жеке пән болмайды. Оған бөлек сағаттар бөлінбейді. Жаратылыстану, биология сияқты жалпы пәндерге тақырып ретінде арасында енгізіледі», – деді БҰҰ-ның Халықты орналастыру қорының (ЮНФПА) атқарушы өкілі Райымбек Сисемалиев.
Мұғалімдер пилоттық мектептерде дайындық курстарынан өткені белгілі. Бірақ барлық мектептерге өзгерісті енгізбес бұрын 2019-2020 оқу жылында сынақ жүргізіледі. Егер нәтиже ойлағандай болса, онда қазақстанның барлық мектептеріне енгізілетін болады.
