Ресей елінде Юлия Дорохова күйеу мен пәтер сұрап Аяз атаға хат жазған. Араға аз уақыт салып әйелдің бұл тілегі қабыл болған, деп хабарлайды Neonomad.kz ақпарат агенттігі.
Бірінші рет Аяз атаға 2015 жылы хат жазып, онда келер жылды сүйіктісімен Мысырда өткізгісі келетінін баян еткен. Наурыз айында танысу сайтында Мысыр астанасы Каир қаласынан бір жігіт хат жазыпты. Бір ай сөйлесіп жүріп, бірін-бірі ұнатып қалған. Сосын Юлия ұшаққа билет алып, жігітіне ұшып барған. Көп ұзамай екеуі үйленіп, Жаңа жылды Мысырда қарсы алған.
Тоғыз айдан соң қызды болып, Мысыр астанасында кәсіп ашқан. 2019 жылы отбасымен Ресейге көшіп келіпті. Тверьдегі екі бөлмелі үйі тарлық еткен соң, Юлия тағы да Аяз атаға арызданып, кең үй сұрап хат жазған. Тіпті, үйдің шаршы метрінің, асханасының, терезелерінің қандай болуы керек екенін де жіпке тізіп жазыпты. Бір айдан соң ескі үйін сатып, өзі қалағандай пәтерге қол жеткізген.
«Мен сиқырлы атаға сенемін. Сондықтан тілектерім ұдайы орындалады», – дейді Юлия Дорохова.
