Пәкістанда медбике жаңа туған егіздің сыңары ұрлап, баласы жоқ туысына апарып берген, деп хабарлайды Neonomad.kz ақпараттық агенттігі КТК сайтына сілтеме жасап. 

Оқиға Белуджістан провинциясында орын алды.

Полиция қызметкерлерінің мәлімдеуінше, 4 желтоқсан күні Абдул Хамид есімді азамат өзінің жүкті әйелі Джамила Бибіні Лоралай қаласындағы ауруханаға жеткізіпті. Әйелі босанған соң ер азаматқа баласы мен жарын үйіне алып баруға рұқсат етіпті.

Жаңа босанған әйел тек 6 желтоқсан күні есін жиған көрінеді. Бұл уақытта оның баласы шетінеп кеткен көрінеді. Әйел егіздің екінші сыңары қайда деп сұрағанда жаға ұстарлық жайтты естіген.

Ерлі-зайыпты дереу полицейлерге хабар берген. Артынша оқиға бойынша әйел босанған күні кезекші болып жұмыс істеген медбикені қолға түсіріпті. Медициналық орталықтың қызметкері істеген ісін толығымен мойында, баланы ұрлап апарған мекен-жайға дейін айтып берген.

Тәртіп сақшылары бұл іске медбикеден бөлек тағы екі қызметкердің қатысы бар екендігін анықтапты. Баланы ұрлаған әйел 17 жыл бойы сәби сүйе алмай жүрген туысына алып барып беріпті.

Қазіргі таңда бұл іске қатысы бар, 4 адам қолға түсіп, олардың істіне қылмыстық іс қозғаған.