Ақтөбеде болған сұмдық оқиғадан соң аналар шырылдап, қол жинап жүр. Басты талап – педофилияға қатысты заңды күшейту, деп хабарлайды Neonomad.kz ақпараттық агенттігі КТК телеарнасына сілтеме жасап.
Телеарнаның мәліметінше, Ақтөбеде бір топ көпбалалы аналар педофилдерге өлім жазасын кесуді талап етіп отыр. Олар билік басындағыларға жанайқайын жеткізу үшін әйелдер арасында қол жинауға кірісіп кетіпті.
«Заңды күшейтпей, мұндай озбырлықтың алдын алу қиын», – деп ашынды олар.
Аналар ұзақ мерзімге түрмеге қамалған педофилдер бір күні бостандыққа шығып, баяғы әдетіне қайта оралатынын айтуда.
«Қайта айуандыққа бармасына еш кепіл жоқ», – дейді ашынған аналар.
Олардың сөзінше, мұндай айуандарға тіпті, өмір сүрудің қажеті жоқ.
«Ату жазасын берсін! Ату жазасын! Ондай адамдар өмір сүруге лайықты емес. Осындай жағдай болмауы үшін мықты заң енгізуді талап етеміз! Көп балалы аналар ретінде!», – дейді Ақтөбе қаласының тұрғыны Гүлдана Қажекенова.
Еске сала кетейік, Ақтөбеде 9 жастағы қыз мектептен үйіне келгенде, ер адам алдап үйге кіріп, оны зорлағаны туралы жаздық.
Кейін белгілі болғандай, педофил қыздың үйіне су сұрап, алдап кіргені белгілі болд. Толығырақ оқыңыз.
