Экс-президент Алмазбек Атамбаевтың үйінен түрлі қару-жарақ табылды, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап. 

Қарақ-жарақ пен оқ-дәрілердің табылғаны туралы Қарғызстанның ішкі істер министрлігі ақпараттандырды.

8 тамызда экс-президенттің Қой-Таш ауылындағы үйі тексеріліп, Драгунов снайперлік винтовкасын, Симонов өздігінен зарядталатын карабинін, «Капрал» тапаншасын, GM-100 маркалы екі тапанша, «Сайга» карабині, ТОЗ қосауыз мылтығы, Fabarm, Zoli және Progress қарулары табылған.

Сонымен қатар, ұстау операциясы кезінде мемлекеттік ұлттық қауіпсіздік комитетінің арнайы жасағынан тартып алынған қарулар да тәркіленді. Бүгіндері криминалистік сараптама жасалып жатыр.

Еске сала кетсек, 7 тамыз күні Қой-Таш ауылында орналасқан Атамбаевтың үйінің алдында экс-президентті ұстау операциясы өтті. Арнай жасақтың сарбаздары мен Атамбаевтың жақтастарының арасында қақтығыс болып, салдарынан жарақат алғандардың саны 52 адамғажетті. Арнайы жасақтың бір сарбазы қаза тапты, бір басшы комада жатыр. Атамбаев Бішкекте митинг өткізетінін айтты.