«Астана су арнасының» бас директоры Досаев ірі көлем пара алғаны үшін жеті жылға бас бостандығынан айырылды, днп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Тергеу мәліметінше, Досаев «Астана су арнасына» басшылық еткен кезінде «Технополисжилстрой» ЖШС басшылығынан аса ірі көлемде пара алған.
Сыбайлас жемқорлыққа қарсы іс-қимыл агенттігінің баспасөз қызметінің ақпаратынша, ол ЖШС-ның иелігіне жылжымайтын мүлікті беру туралы қосымша келісім жасау үшін қоластындағы қызметкері арқылы «Молодая семья 2» тұрғын үй кешенінен 3 бөлмелі пәтер және 60 мың АҚШ доллары көлемінде ақша алды.
14 тамызда Нұр-Сұлтан қаласындағы қылмыстық істер жөніндегі мамандандырылған ауданаралық сотында Досаевқа қатысты процесс өтіп, ол 7 жылға бас бостандығынан айырылды. Сонымен қатар, ол өмір бойына мемлекеттік қызметте еңбек ету құқығынан айырылды.
Ол жазасын төмен деңгейдегі қауіпсіздік мекемесінде өтейді.
