Танымал өнер иесі Асхат Тарғын өзінен 13 жас кіші жұбайымен қалай танысқаның айтып берді, деп хабарлайды Neonomad.kz ақпарат агенттігі Stan.kz сайтына сілтеме жасап.

Аталған басылым әншінің «Той жыры» бағдарламасына берген сұхбатын келтірді. Танымал өнер иесі өзінен 13 жас кіші келіншегін жолдастары тауып бергенін айтты. Осыған дейін отбасылы болған әнші ешкімді ұнатпай, ақыры соңында досының келіншегінің сіңілісін дұрыс деп тапқан.

«Жандос деген досым бар. Соның келіншегі маған өзінің құрбыларын, таныс қыздарын көрсетіп, үйлен деп маған келіншек іздеді. Шыны керек, маған ұнаған жоқ. Содан ол «Өзімнің сіңілілеріммен таныстыратын шығармын енді» деп ренжіді. Сіңілің қай жылғы деп сұрадым. Сөйтсем Әлияны айтқан екен», – дейді Асхат Тарғын «Той жыры» бағдарламасында.

Осылайша әнші екінші мәрте отбасылы болып, перзент сүйген. Екі жас алғашқы рет тойда танысып, біліскен.

«Туысқандарымыздың тойы болды. Сол кезде Әлиямен таныстырды. Осылайша танысып, суретке түстік», – дейді Асхат Тарғын.