Қыз алып қашатын жігіттердің жауапкершілігі туралы Бас прокуратура мәлімдеме жасады, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Қазақстанда қыз алып қашу бабының жоқтығынан, іс адам ұрлау бойынша қаралады. Бұл туралы Бас прокурордың орынбасары Марат Ахметжанов айтты.
«Енді, ондай жағдайлар әртүрлі болады ғой. Егер қызды зорлап, алып қашып жатса, ол адам ұрлау қылмысы болып саналады. Осы қылмыс аса ауыр қылмыстар санатына жатады. Ондайда ешқандай татуласу болмайды. Енді, өмір болғасын, әртүрлі жағдай болады, адамның әрекетіне қарай құқықтық баға беріледі», – деді Ахметжанов.
Қазақстанда адам ұрлау қылмысы бойынша төрт жылдан жетi жылға дейiнгi мерзiмге бас бостандығынан айыру жазасы қарастырылған.
