Биылғы жылдың 30 қыркүйегінде ҚР Үкіметінің атынан Қаржы министрлігі жалпы сомасы 1 150 млн.еуроны құрайтын  еурооблигациялар шығарылымын табысты жүзеге асырды.

Мәміленің халықаралық ұйымдастырушылары бірлескен лид-менеджерлер мен букраннерлер ретінде Citi және Societe Generale, бірлескен лид-менеджерлер ретінде – UBS және қазақстандық ұйымдастырушы – «First Heartland Securities» (FHS) болды. Сондай-ақ Еурооблигациялар Лондон қор биржасы мен Астана халықаралық қаржы орталығының Қор биржасында қосарланған листингпен шығарылды.

Аталған процес барысында еурооблигациялардың екі траншы жүзеге асырылды. Олардың  алғашқысы – айналым мерзімі 7 жыл және 0,6 пайыз купон мөлшерлемесімен номиналдық құны 500 млн.еуро сомасында болса, екіншісі  айналым мерзімі 15 жыл және 1,5 пайыз купон мөлшерлемесімен номиналдық құны 650 млн. еуро  көлемінде іске асырылды.

Сонымен қатар екі транштың кірісі Қазақстан Республикасының еуро валютасындағы ағымдағы қисық сызығына теріс сыйақыны білдіріп, кредиттік рейтингі жоғары дамыған бірқатар басқа дамушы елдердің қатарына қосылады. Сәйкесінше бұл  Қазақстанға халықаралық инвесторлардың жоғары сенімі мен қызығушылығы  бар екенін көрсетіп отыр.

Халықаралық инвесторлардың жоғары сұранысы мен Қазақстан Республикасына жоғары сенімнің нәтижесінде еурода деноминацияланған Қазақстан Республикасының кірістілік қисығы жоғары несиелік рейтингке ие басқа дамушы елдердің кірістілік қисығымен салыстырғанда төмен қалыптасқан.

Қазақстанның еурооблигациялар бойынша қарыз алу құны республика үшін, сондай-ақ жалпы ТМД көлемінде рекордтық төмен деңгейде қалыптасты. Мысалы 7 жылдық еурооблигация бойынша купон 0,6 пайыз деңгейінде болып, BBB рейтингі категориясындағы дамушы елдер ішіндегі мемлекеттермен бұрын қалыптастырылған тарихи төмен купондық мөлшерлеме болып табылады.

Айта кетейік, Еурооблигациялар Лондон қор биржасында және «Астана» халықаралық қаржы орталығының биржасында орналастырылған. Сонымен бірге 25 қыркүйекте прайсинг болып, нәтижесінде 110 сапалы инвестордың қатысуымен 2,8 млрд еуроны құрайтын өтінімдер кітабы дайындалды.

Сонымен қатар шығарылымның алдында Лондондағы қаржы, ұлттық экономика министрліктері, Ұлттық банк және «Астана» халықаралық қаржы орталығы өкілдерінен тұратын делегациясының 2-күндік роуд-шоуы өткізілді.