«Уақыт көрсетеді» бағдарламасының жүргізуші Арыстанбек Мұхамедиұлына бір кездері экс-министр ғашық болып, қарамай кеткен келіншек туралы баяндады. Айтуынша, әлгі келіншек бүгінде Мұхамедиұлына тұрмысқа шықпағаны үшін өкініп жүр екен, деп хабарлайды Neonomad.kz ақпарат агенттігі аталған бағдаралмаға сілтеме жасап.

«Алматы облысында білім ордасында оқыған кезде бір қызға қатты ғашық болыпсыз. Ол әйелдің қазір 5 баласы бар екен. Күйеуі жұмыс істемесе керек. Сіз министрлікте отырған кезде «Шіркін-ай, осы Арыстанбекке тұрмысқа шыққанымда ғой. Өмірім басқаша болатын еді» деп айтады екен», – деді журналист.

Экс-министр өз кезегінде 5 баланы дүниеге әкелудің өзі бақыт екеніне тоқталды. Десе де, өзінің махаббатқа ессіз беріліп, сезімнің жетегінде кететіндей азамат емес екенін айтты.

«Өнер саласында болғандықтан, ғашық болғанда міндетті түрде өлең жазасың. Әуен, ән шығарасың. Негізі ғашық болған керемет. Адам ғашық болған кезде алға ұмтылады. Ол сезім міндетті түрде керек. Намысы бар азаматтар ғашық болғанда арманына жеткісі келеді. (…). Бүкіл дүниені алға қарай жылжытып отыратын осы ғашықтық сезімі», – деп алғашқы махаббатын еске алды Арыстанбек Мұхамедиұлы.