26 маусымда Арыс қаласында контрактпен жұмыс жасайтын тағы бір әскердің көз жұмғаны белгілі болды, деп хабарлайды Neonomad.kz ҚР Қорғаныс министрлігінің баспасөз қызметіне сілтеме жасап.
Арыстағы төтенше жағдай салдарынан қаза болғандардың саны үш адамға жетті.
«Арыс қаласындағы әскери бөлімшелердің бірінде болған жарылыстың салдарынан алған жарақаттан бүгін Шымкен ауруханаларының бірінде контрактпен жұмыс істейтін сержант Ахметов қайтыс болды», – делінген ҚР Қорғаныс министрлігі таратқан ресми ақпаратта.
ҚР Қорғаныс министрлігінің басшылығы мен жеке құрамы сержанттың туыстарына көңіл білдірді.
Бұған дейін Арыс қаласында бір тұрғын мен тағы бір әскери қызметтің сарбазы қайтыс болғанын айтқан боламыз.
