Арыстағы жарылыстың салдарынан тағы бір адам көз жұмды, деп хабарлайды Neonomad.kz Қорғаныс министрлігіне сілтеме жасап.
8 жастағы Аян Шарипбаев Нұр-Сұлтандағы № 2 балалар ауруханасында комада жатқан. Бала 2 тамызда сағат 9.20-да қайтыс болды.
Белгілі болғандай, 24 шілдеде Арыстан тұрғындары эвакуацияланып жатқан кезінде Аянды машина қағып кеткен.
Санавиация бортымен бала Нұр-Сұлтанға жеткізілген. Бірақ дәрігерлер оның жағдайына алаңдаушылық білдірген болатын. Өкінішке орай, ол бүгін көз ашпай кетті.
Еске сала кетсек, 24 мауысда Түркістан облысының Арыс қаласында орналасқан әскери бөлімше жарылып, қала тұрғындары жаппай эвакуацияланған болатын.
