«Халық банк» Арыс тұрғындарының 1 млрд теңгеден астам кредитін кешірді. Осы айдың басынан бастап қаржы институты барлық қарыздар бойынша пайыздарды алып тастады, деп хабарлайды Neonomad.kz Астана телеарнасына сілтеме жасап. 

Бұл туралы басқарма төрағасының орынбасары Дәурен Сартаев мәлімдеді. Бұл жаңалық Арыстың қарапайым тұрғындарымен қоса, кәсіпкерлеріне де қатысты. Сонымен қатар, борышкерлер осы жылдың соңына дейін кредиттерін төлемейді. Сартаев Арыста 3,5 мыңнан астам борышкерде қысқа мерзімді кредит барын айтып өтті. Жалпы соммасы, үш миллионнан асады.

«Басқарма төрағасы осындай ұсыныс жасады, ал менеджмент болса қолдады. Бұл өте үлкен сомма екенін түсінеміз. Бірақ Арыс тұрғындарының басына түскен қайғы ауыр. Қарыздардың процентін кешіру, банк тарапынан көрсетілетін қолдау. Біздің банк үшін айтылмас шара болды», – деді Дәурен Сартаев.

Арыс тұрғындары салық төлеуден де босатылады. Мемлекеттік кірістер Комитеті осындай шешім қабылдады. Ведомстваның сайтында көрсетілгендей, «салық каникулы» осы жылдың соңына дейін созылады.

Еске сала кетсек, 24 маусымда Түркістан облысының Арыс қаласында орналасқан әскери бөлімшенің қоймасында жойқын жарылыс болды.