Шымкентте атыс болып, салдарынан бір адам жан тапсырды. Ал бес адам болса ауыр халде ауруханаға жеткізілді. Атысқандардың арасында сотталғандар да бар екен, деп хабарлайды Neonomad.kz ақпараттық агенттігі «Астана» телеарнасына сілтеме жасап.
Оқиға Шымкент қаласындағы Арғынбеков көшесіндегі «Сүндет» кафесінде болған. Кейбір деректер бойынша, қанды атыс ірі көлемдегі ақша үшін болған. Алайда бұл ақпараттв растамай отыр.
Ал осы оқиғаға куәгер болған дәмхана қызметкерлері болса ақпарат беруден бас тартып отыр.
«Үйге есікті ұрды. Хозяин келді ма маған «қарамаңдар» деді да, кішкентай балалары бар еді соны кіргізіп жіберді, болды. Потом сондай болды да «қарамаңдар, қарамаңдар деді. Мені өзім түсінген де жоқпын. -Атысты есіттіңіз ба бірақ өзіңіз?- Бірақ тақылдап жатқанын есіттім», – дейді көрші.
«Оны біз ит атып жатыр деп ойладық та негізінде, кейін мен шықтым уже, әпше магазинде болған. Мен мына жерге шықсам машиналар толып кеткен. ГАИ-лер толып кеткен да уже», – дейді дәріхана сатушысы.
Қылмыс болған жерден тәркіленген бірнеше атыс құралы сараптамаға жіберілді.
«Біреу біреуге қарыз болған. Біреу пайыздық үстемемен ақша берген. Ештеңеге тапсырыс бермеген. Ал 15 минуттан кейін барлығы болған. Олар, тіпті, кафеден ештеңе алмаған, – дейді дәмхана иесі.
Оқиға орнында сондай-ақ қомақты ақша да табылғаны белгілі. Бірақ оның қылмысқа қатысы бар-жоғы да белгісіз.
Әзірге полиция толығырақ ақпарат беруден бас тартты. Тек екі күдіктінің барын айтуда. Сондай-ақ, анықталғанадй оқиға орнында болғандардың арасында сотталғандар да бар.
«Ол қылмыс істеген адамдар бәрі белгілі, анықталды. Қазір ұстау шаралары жүргізіліп жатыр, құдай қаласа жақын арада ұстап, оның бәрін әркім өз тиісті жазасын алады. Оған сеніңіздер», – дейді Шымкент қаласы полиция департаментінің басшысы Ералы Жұмаханбетов.
Ауруханаға жеткізілген адамдардың жағдайы ауыр екендігін дәрігерлер мәлімдеді.
«Төрт науқасқа да оқ тиген, бытыраның оғы. Бірінші науқас 1984 жылғы, оқ жарақатынан кейінгі іш аймағындағы аш ішек пен тоқішектің жарақаты. Бір науқас бас миының ашық жарақаты болды. Нейрохирург дәрігерлер ота жасағаннан кейін ол кісі де жансақтау бөлімінде. Біреуі беткей жарақат болуына байланысты хирургия бөлімінде, ал екінші науқас оң аяғының балтырына фиксация жасалынды. Қазіргі таңда травматология бөлімшесінде», – дейді Шымкент қалалық клиникалық ауруханасы қабылдау бөлімінің бөлім меңгерушісі Өткіржан Молдаханов.
Еске сала кетейік, 30 қазанда Шымкентте атыс болды. Дерек көздің сөзінше, оқ жаудырғандармен атысқандардың бірі сол жерде көз жұмған. Ал екіншісі болса кейін жан тапсырған. Толығырақ оқыңыз.
