Қарағанды қаласының орталығында белгісіз біреулер 200-ден астам жолаушы отырған автобусқа пневматикалық қарудан оқ жаудырды, деп хабарлайды Neonomad.kz ақпарат агенттігі облыстық полиция департаментіне сілтеме жасап.

Әлеуметтік желіде Қарағанды қаласында түсірілген видео қызу талқыға түсті. Полиция мәліметінше автобустарға оқ жаудыру оқиғасы 8 қазан күні кешкі сағат 19.00 кезінде болған.
Белгісіз біреулер аялдамада бұзақылық жасап, №33, 40, 45 автобустарға оқ атып, терезелерін сындырған. Оқиға кзінде аталған автобус салонында 200-ден астам адам отырған.

«Аталған дерек бойынша Қылмыстық кодекстің «Бұзақылық» бабы бойынша қылмыстық іс тіркелді. Қазіргі уақытта полиция қызметкерлері күдіктілерді анықтау және тұтқындау мақсатында шара қабылдап жатыр», – дейді Қарағанды облысы полиция департаментінің баспасөз хатшысы Бақытжан Құдияров.