Қарағанды облысында полицейлер құлдықта отырған ер адамды тапты, деп хабарлайды Neonomad.kz ақпараттық агенттігі КТК арнасына сілтеме жасап.
Полицейлер осы дерек бойынша ҚР ҚК 126-бабы 1-тармағына (Заңсыз бас бостандығынан айыру) сәйкес сотқа дейінгі тергеу басталды.
Тергеу мәліметтері бойынша, 2012 жылы ер адам әйелімен ұрысып қалып, үйінен кетіп қалады. Сөйтіп ішімдікке берілген ол Майқұдық ауданындағы көшеде күнелткен ер адам Тілеген есімді азаматпен танысып, ол қыстауда жұмыс істеуді ұсыныпты. Содан бері ол із-түссіз кеткен.
Тек 2019 жылдың 27 тамызында жоғалған ер адамның туыстарына WhatsApp арқылы оның Жаңаарқа ауданындағы шаруа қожалығында жұмыс істеп жүргені туралы хабарлама келеді. Мұны білген ағасы полицияға жүгініп, 3 қыркүйекте аталған мекенжайға аттанады.
«Жаңаарқа аудандық полиция бөлімшесінің кезекшілік бөліміне 34 жастағы ер адамнан хабарлама түсті. Ол Жаңаарқа ауданындағы қыстаулардың бірінде 51 жастағы ер адамды 2015 жылдың тамызынан бері заңсыз ұстап отырғанын айтты. Өз кезегінде аталған қыстаудың иесі 2017 жылы мамыр айының басында 51 жастағы ер адамның тамақ сұрап келіп, артынша жұмыс істеуге қалғанын түсіндірді. Әңгіме барысында соңғысы есін жоғалтқанын айтты. Ер адамның сөзінше, ол жұмыс істеуге өз еркімен келген. Алайда артынша жібермей, қыстауда ұстады деп отыр», – дейді полициядағылар.
