Туған әкесін өлтірді деген күдікпен Ақтөбе облысының тұрғыны ұсталды, деп хабарлайды Neonomad.kz облыстық полиция департаментіне сілтеме жасап.
Ер адамның мәйіті 27 шілдеде Алғын ауданы Тікқайың ауылында табылды. Сот медициналық сараптама нәтижесінде ол «механикалық асфиксия» салдарынан қайтыс болғаны анықталған.
Тергеу нәтижесінде учаскелік полиция инспекторы кісі өлтірді деген күдікпен марқұмның туған ұлын ұстады. Алдын ала болжам бойынша, әке мен баланың арасында жанжал шығып, ашуға булыққан жігіт әкесін арқанмен буындырып өлтірген.
Тәртіп сақшылары хабарлағандай, ҚР ҚК 99-бабы бойынша (Кісі өлтіру) сотқа дейінгі тергеу басталған. Күдіктінің қылмысы дәлелденген жағдайда сегіз жылдан он бес жылға дейiн бас бостандығынан айырылуы мүмкін.
Ұсталған адам қылмысын мойындап, қазір уақытша ұстау абақтысында отыр.
