Ақтөбе облысы Мұғалжар ауданы әкімінің орынбасары Ғалым Қобландин алдын ала келісім бойынша пара алды деген күдікпен ұсталды, деп хабарлайды Neonomad.kz «Мой Город» сайтына сілтеме жасап.
Ақтөбе облыстық соты таратқан ақпарат бойынша, Ақтөбенің мамандандырылған тергеу соты Ғалым Қобыландинды қамауда ұстау шарасын санкциялады. Ол екі ай мерзімге қамалды.
«Оған ҚР Қылмыстық кодексінің 367-бабы («Пара беру») және 28-бабы («Қылмыстық құқық бұзушылыққа сыбайлас қатысушы») бойынша айып тағылған. Яғни, алдын ала келісім бойынша мемлекеттік міндеттерді атқарушы топқа пара берді деген күдік бар. Әкім орынбасары екі айға қамаққа алынды»,– деді облыстық сот.
Күдікті Мұғалжар ауданы әкімінің орынбасары лауазымында бір жарым жыл ғана жұмыс істеген. Ішкі саясат, білім беру, денсаулық сақтау, спорт және әлеуметтік сала мәселелеріне жетекшілік еткен.
