Қытайдың Чжэцзян провинциясында қарызын жаба алмаған әйел жаңа туған балаларын 65 мың юаньға сатып жіберді, деп деп хабарлайды Neonomad.kz ақпарат агенттігі Stan.kz сайтына сілтеме жасап.
Оқиға 2018 жылы орын алған. Белгілі болғандай, жас ана тұрмыста емес, некесіз бала тапқан. Бұған намыстанған оның ата-анасы қызынан бас тартыпты. Одан қала берді, келіншекті жүкті қылып қойған еркек те қашып кеткен. Алайда, келіншектің балаларды қомақты ақшаға сатып жібергенінен естіген ол қайта бой көрсетіп, ақшамен бөлісуді талап еткен.
Балаларын сатқан жас ана болса несиелерін жауып, қалған ақшасына жаңа телефон алыпты.
Полиция басқа бір істі тергеу барысында осы қылмыстың бетін ашқан. Сатылған балалардың анасы да, әкесі де қамауға алынды. Тәртіп сақшылары Аньхой провинциясында тұратын ерлі-зайыптыларды тауып, олардан егіздерді қайтарып алып, туған ата-әжелеріне табыстады.
