Нұр-Сұлтанда «Қаңғыбас» акциясы өтуде. Онда тұрағы жоқ, қайыршылықпен және қаңғыбастықпен айналысатын тұлғалар анықталады, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
Аталмыш акция «Байқоңыр» ауданында өткізілуде. Полиция департаментінің ақпаратынша, бір күннің ішінде тұрғылықты мекен-жайы жоқ 76 адам жеткізілді.
Барлық жеткізілген тұлғалар деректер базасы бойынша, олардың жеке басын және құқық бұзушылықтар мен қылмыстарға қатыстылығын анықтау үшін тексерілді. Сондай-ақ, олармен құқыққа қарсы мінез-құлыққа жол бермеу туралы профилактикалық әңгіме жүргізілді.
