Алматыда жалған сот жұмыс істеп келген, деп хабарлайды Neonomad.kz ақпараттық агенттігі Tengrinews.kz сайтына сілтеме жасап. 

Қалалық прокуратура жалған соттың заңсыз қызметін тоқтатты.

«Алматыда азаматша А. «Әділет «халықаралық төрелік соты» толық серіктестігін құрып, сот төрелігін заңсыз жүзеге асырған. Ол билік өкілі статусын өз еркімен алып, Қазақстан Республикасының атынан әкімшілік, қылмыстық және азаматтық істер бойынша шешім шығарып отырған (фирмалық бланкісінде мемлекеттік елтаңбаны және басқа да деректемелерді қолданған). Осылайша жалған сот заңсыз сот актілерімен азаматтарды жүргізуші құқығынан айырып, соманы өндіріп алып, тергеу изоляторынан адамдарды босатуға тырысқан», – делінген хабарламада.

Бұл дерек бойынша ҚР ҚК 390-бабымен («билік өкілі атағын өз еркімен беру») сотқа дейінгі тергеу басталды.

«ҚР ҚПК-нің 201-бабы тәртібінде өзге ақпарат тергеу мүддесіне бюайланысты жариялануға жатпайды», – деп атап өтті Алматы прокуратурасындағылар.