Алматыда «карантин режимін бұзған» 39 адам қамауға алынды, деп хабарлайды Neonomad.kz ақпарат агенттігі Tengrinews сайтына сілтеме жасап.
Ведомство дерегінше, «карантин аумағының шекарасын бұзу» бойынша 73 факт тіркелген, 11 кәсіпкер жауапкершілікке тартылған. Прокуратура сонымен бірге «медициналық маскаларды қымбат бағамен сатып, кәсіпкерлікпен заңсыз айналысқан» бірнеше фактіні де анықтағанын хабарлады.
«Төрт миллионнан астам маска тәркіленіп, Алматы қалалық қоғамдық денсаулық сақтау басқармасына берілді» делінген хабарламада.
Бұған дейін Алматы мен Нұр-Сұлтанда «блокбекеттерді айналып өтіп, ақша табуға тырысқан» бірнеше таксист әкімшілік жазаға тартылған еді.
Коронавирус ең көп табылған Нұр-Сұлтан мен Алматы қаласында 19 наурыздан бері карантин жарияланған. Қазір қалаға кіріп-шығуға шектеу қойылған. Қалаға қатынайтын жолаушылар пойызы, ұшақтар (негізінен ішкі рейстер) тоқтаған. Ойын-сауық орталықтары, азық-түлік емес тауар сататын сауда нысандары, балабақша, ұлттық саябақтар жабылды.
