Алматыда полициялар бір түннің ішінде Сейфуллин көшесін жағалаған 53 жезөкшені қолға түсірді. Жеңіл жүрісті қыздарды ұстау қала әкімі Сағынтаевтың кешегі ескертуінен бастау алды, деп хабарлайды Neonomad.kz.
Бұл іске учаскелік инспекторлардан өзге жылдам қимылдайтын арнайы жасақ (СОБР), сондай-ақ, мобильді полиция учаскелері жұмылдырылған.
«Сейфуллин даңғылында 130 адам, оның ішінде ақшаға ақысыз қызмет көрсететін 53 әйел, пәтерді жалдауға беретін 13 адам, жезөкшелерді тасымалдайтын 5 жүргізуші және басқалары ұсталды», – Алматы қалалық полиция Департаменті бастығының орынбасары Избасар Бүркітов.
Белгілі болғандай, 58 құқық бұзушы әкімшілік жауапкершілікке тартылды. Олардың 23-і жезөкшелікпен айналысатын адамдар.
Анығын айтсақ, 14 адам – азаматтарды мазалай отыра интимді қызмет ұсынатындар, 5-і кішігірім тәртіпсіздік, 11-і қоғамдық орындарда алкогольді ішімдік ішу, 19-ы қаланы абаттандыру ережелерін бұзғаны үшін және басқа да жағдайлар үшін айыпталды.
Бұдан басқа езөкшелер қызмет ететін притон анықталды. Оның иесі жезөкшелікпен айналысу үшін белгілі бір үй-жайларды ұсынуға жауапты. Оған 315 мың 625 теңге айыппұл салынды
Қылмыстық полиция басқармасының мәліметінше, жыл басынан бері Алматыда адам саудасы саласында 13 қылмыс ашылды. Атап айтқанда, жезөкшелікпен айналысуды ұйымдастыру және қамтамасыз етудің 8 фактісі, жезөкшелікпен айналысудың 3 жағдайы, кәмелетке толмаған адам саудасының 1 фактісі және адам саудасының 1 фактісі тіркелді.
