Алматыда жеңіл көлік пен автобус соқтығысып, салдарынан үш жолаушы әйел қайтыс болды, деп хабарлайды Neonomad.kz ақпараттық агенттігі СТВ телеарнасына сілтеме жасап.
Қайғылы жол апаты Боралдай тасжолында болды.
Жол апаты Водник ауылының маңында болған. Куәгерлердің айтуынша, Renault жүргізушісі батыс бағытта келе жатқан. Трудовик ауылына жақындағанда қарсы жолаққа шығып кеткен. Салдарынан № 15 бағыттағы автобуспен соқтығысып, автобус өзен жаққа қарай ұшып кете жаздаған, деп хабарлайды телеарна.
Жол апатынан оқиға орнында үш әйел қайтыс болды.
Renault көлігінің тағы бір жолаушысы ауыр жағдайда ауруханаға жеткізілген.
