Алматыда белгісіз біреу 12 жастағы қызға пышақ алып жүгірген. Полиция күдіктіні іздестіруде, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Оқиға 19 қарашада Бостандық ауданындағы №60 гимназия маңында болған. Белгісіз ер адам 12 жастағы қызға шабуыл жасаған. Арнайы жедел тергеу тобы күдіктінің кім екенін анықтауда.
Полиция департаментінің мәліметіне сәйкес, қыздың анасы арыз жазған соң тиісті шара қолданылған. Әйел ер адамның қолында пышақ болғанын айтты.
«Қыз күдіктінің түрін суреттеп беруге тырысты. Бейнебақылау камераларындағы жазба да іс материалына қосылды. Қазір олар жіті зерттеліп жатыр», – деп хабарлады полиция департаменті.
