Алматы облысында қызуы көтерілген қызына анасы қайта-қайта парацетамол берген екен. Бірақ кішкентай қыздың өліміне дәрігерлерді айыптаған, деп хабарлайды Neonomad.kz ақпараттық агенттігі КТК телеарнасына сілтеме жасап.
Евгения Игнатьева осыдан бірнеше күн бұрын жан тапсырған кішкентай қызының өліміне дәрігердерді айыптаған. Алайда тексеру кезінде 7 жастағы қыз парацетамолдан көз жұмғаны анықталды. Оның бауыры зақымданған.
«Баланың қан анализін бәрін алғаннан кейін, бауырдың зақымдалғанын көрсететін көрсеткіштер бар, сол жоғары болды. Балада орталық жүйке жүйесінің зақымдалуы болды. Кома жағдайында түсті деген. Соның бәрін байланыстыра отырып, Рей синдромы диагнозын қойдық», – Асқар Қалиев, Алматы аймақтық балалар клиникалық ауруханасы директорының орынбасары.
Васелинаға жасаған бірнеше тексеру Рей синдромы диагнозы екенін растаған. Бұл жасөспірімдер сирек шалдығатын, өте қауіпті ауру түрі. Ол дәрінің сезімтал мүшелерге қарсы әсер беріп, ағзаның зақымдалуына әкеп соқтырады. Евгения Игнатьева қызына парацетамолды мөлшерден тыс берген. Сөйтіп қызуы түспеген Васелина бір аптадан соң іші ауырып, жансақтау бөлімінен бір-ақ шығып, ауруханада көз жұмған.
Васелина Бражникованың ажалына қайғыдан қан жұтқан анасы жедел жәрдем қызметкерлерін жазғырған болатын. Яғни жай ғана іші ауырған 7 жасар қызына алып-ұшып жеткен ақ халаттылар диагнозсыз 12 жастан асқан балаларға ішуге болатын дәрі берді деген еді.
