Алматы маңында ұшақ апаты болып, оқиға орнында әуе кемесінің командирі қайтыс болды. Ал екінші ұшқыш Мейіржан Молдақұлов болса қамауға алынды деген ақпарат тарады, деп хабарлайды Neonomad.kz ақпараттық агенттігі Nur.kz сайтына сілтеме жасап.
Ішкі істер министрілігінің мәліметінше, екінші ұшқышқа қатысты ақпарат дәлелденбеген. Қазір ол ауруханада ес-түссіз күйде жатыр. Аурухана ішінде күзетіп жүрген полиция қызметкерлері қауіпсіздік шарасы үшін қойылған, дейді ведомствадағылар. Сонымен қатар, шенеуніктер расталмаған ақпаратты таратпауға шақырды.
Еске сала кетсек, 27 желтоқсан күні Bek Air әуекомпаниясының ұшағы (Z9-2100) Алматыдан елордаға ұшуы керек болған. Бірақ Қызыл ту ауылы маңында апатқа ұшыраған. Ұшақтың үшініде 95 жолаушы болған.
Кейін ұшақ апатынан 12 адам қаза тапқаны белгілі болды.
Қасым-Жомарт Тоқаев ұшақ апатына қатысты кінәлілер заңға сәйкес жазаланылатынын айтты.
Сонымен қатар, ұшақ апатынан қайтыс болғандардың арасында Генералдар кеңесінің төрағасы Рустем Хайдаров та бар.
Өкінішке орай, тағы бір танымал адам көз жұмды. Informburo.kz ақпараттық сайтының редакторы Дана Круглова да осы ұшақта болған. Әріптестері журналистің қаза тапқанын растады. Толығырақ оқыңыз.
Бұған қоса, Fokker 100 ұшағы 17 рет апатқа ұшырағаны белгілі болды. 1997 жылы қызметін тоқтатқан Fokker компаниясы 283 әуе кемесін шығарып үлгерген.
Fokker 100 – Нидерландтың Fokker компаниясының орта қашықтыққа арналған ұшағы. Алғаш рет 1986 жылы әуеге көтерілген. Тиімсіз менеджменттің кесірінен Fokker әуе компаниясы 1996 жылы банкрот болды. Ал 1997 жылы ұшақты шығару тоқтатылды. Толығырақ оқыңыз.
