Алматы қаласында жүк көлігінің жүргізушісі ыстық суға батып кеткен жеңіл автокөліктегі адамға шығуға көмектесті, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
Бұл оқиға 14 қазан күні Бөкейханов көшесінде Райымбек даңғылының төмен жерінде болды.
Құбыр жарылғаннан кейін Бөкейханов көшесінің бір бөлігі ыстық су астында қалды. Куәгерлердің айтуынша, бес автокөлік суға батқан бөлігінен өте алмады. Бір көліктің ішінде адам шыға алмай қалып қойған болатын. Оны жүк көлігінің жүргізушісі құтқарды. Осы оқиғаны куәгерлер бейнеге түсіріп алды.
«Құбыр жарылғаннан кейін ыстық су жолға қарай ағып кетті. Бұл жағдайда машиналар су астында қалды. Жүк көлігінің жүргізушісі өзінің көлігімен шетке қарай 3 көлікті итеріп шығарған болатын. Ортасында қалған бір көліктің салонынан жүргізушіге шығуға көмектесті. Қазір онда екі автокөлік әлі де су астында тұр», – деді куәгер Бауыржан Тәжиев.
