«Қайрат» командасының экс ойыншысы Дуглас Нуньес да Силваны түнгі клубтан шыққан кезінде атып кетті, деп хабарлайды Neonomad.kz ақпарат агенттігі.
27 жастағы футболшы Бразилия кубогының жартылай финалынан кейін жалғыз өзі Эрехим орталығындағы клубтардың біріне барған. Клубта ол біреулермен сөзге келіп қалып, ақырында оны атып кетеді. Дәрігерлер оның өмірін құтқара алмайды. Ал оқ атқан азамат әлі іздестіріліп жатыр.
«Коринтианс» желідегі парақшасы арқылы марқұм футболшының жақындарына көңіл айтты. Ал клубтың бас жаттықтырушысы Андре Бие қайғылы жағдайдан кейін полицияға барды.
«Оқиға болған кезде ұйықтап жатқандықтан, нақты не болғанын айта алмаймын. Қазір оқиғаның анық-қанығын білу үшін учаскеге келіп отырмын. Оның демалыста командасталарымен бірге болғысы келгенін ғана білемін», – дейді бас жаттықтырушы.
Қайғылы оқиғадан кейін «Атлантик» пен «Карлос Барбоза» арасында ойын өтпейтін болды. Ол 11 тамызда болуы керек еді.
Нуньес «Қайраттың» атынан 2016-17 жылдардағы маусымның екінші жартысында ойнады. Сондай-ақ, ол Қазақстанға чемпионатты жеңуге көмектескен болатын. Артынша 2017 жылы ол өзінің «Коринтиансына» қайтып оралды.
Естеріңізге сала кетсек, «Қайратта» Нуньестің үлкен ағасы Бетао да ойнаған еді. Ол клубтан 2014 жылы кетті.
