Павлодар қаласының іргесінде орналасқан елді-мекенге өткен жылы ғана су құбыры тартылғанмен, халық сусыз отыр, деп хабарлайды Neonomad.kz «Астана» арнасына сілтеме жасап.
Ленин кентінің тұрғындары суды екі шақырым жерден тасып ішеді. Өткен жылы ғана орталық су жүйесінен су құбыры тартылған, бірақ ауылды сумен қамтамасыз ету мүмкін болмай тұр. Өйткені су қысымы өте нашар және құбыр шеттегі үйлерге жетпей қалған. Елді-мекенде 2300 үй болса, соның жартысына құбыр тартылмаған. Ақшасын қиып, орталық суға қосылғандар да сусыз отыр.
«Әр метріне былтыр 4 мың теңгеден сұраған. Мен тарта алмадым. Өзім жұмыс істемеймін. Ондай ақша таба алмадым. Биыл міне, әлі солай. Екі жарым мың теңгеге түсіріпті. бірақ, ол маған тоже қиын. Және труба материалдарын алуым керек. И жұмыскерлерге төлеуім керек. Қанша ақша кетеді мен ол ақшаны төлей алмаймын», – дейді Ленин кентінің тұрғыны Талғат Қаһарманұлы.
Құбырды өткізгендер болса судың қысымы төмен дейді, және белгілі бір уақытта ғана берілетін көрінеді.
«Су кіргізгенмен, сол суды пайдалана алмай отыр. Қазақша айтқанда таңертең 6 мен 7-нің арасында береді. Содан кейін сағат 12 мен 1 арасында береді. сосын кешкі 6 мен 7-нің арасында береді дейді. Су мәселесі ең алдымен өте үлкен сұрақ болып тұр. Халық осыған риза емес», – Махмет Демесінов.
Мұндай проблеманың басты себебі – екі бірдей ауылдың бір су көзіне қосылуы, дейді ауыл тұрғындары.
«2 поселокта 2 программа әртүрлі, дейді. Айнакөлде «Ақбұлақ» программасы, бізде Магистралный дейді. 1 башня тұр. Қайда кетті 3 млрд ақша, Айнакөлге бөлінген 400 млн теңге қайда кетті? Онда отделно істейтін водапроводты Айнакөлде по программый не сделали. Не понятно ақша қайда кетті?», – дейді Сейілхан Сейсенбаев.
Тұрғындар су тапшылығын көріп отырғанын білетін қала әкімі Қайрат Нүкенов, проблеманың шешімін табатынын айтты.
«Ол үлкен күрделі мәселе. Қазір қойған оборудвение ол жеткіліксіз, біліп жатырмыз. Тағы оборудование қоюға соған қоса қаражат бөлу керек. Қосамыз бөлеміз, су жеткілікті болады өздеріңізде»,- деді Павлодар қаласының әкімі Қайрат Нүкенов.
